SOCAR 2023-cü ildə 4 min metrə yaxın qazma işləri yerinə yetirib

2023-cü ildə Azərbaycan Respublikası Dövlət Neft Şirkəti (SOCAR) tərəfindən 74 min metrə¹ yaxın qazma işləri həyata keçirilib. Bu, 2022-ci ilin nəticələri ilə müqayisədə 1,2% çoxdur. Şirkətin müstəqil şəkildə və ya əsas payçı qismində istismar etdiyi yataqlarda 7,7 milyon ton² neft, 8,4 milyard kubmetr³ qaz hasil olunub. 2022-ci ilin müvafiq dövrü ilə müqayisədə neft hasilatı nisbətən stabil qalıb, qaz hasilatında isə 4% artım qeydə alınıb. Ölkə üzrə qaz hasilatında da artım tendensiyası davam edib və 2022-ci ilin müvafiq göstəricisi ilə müqayisədə 3,3% artaraq, 48,3 milyard kubmetr⁴ təşkil edib. Ümumilikdə isə, il ərzində Azərbaycanda 30,1 milyon tondan⁵ çox xam neft hasil olunub.

Hesabat dövründə SOCAR tərəfindən xarici bazarlara ixrac edilən neft həcmləri 17,8 milyon ton⁶ təşkil edib. Buraya şirkətin öz imkanları ilə çıxardığı neft həcmləri ilə birlikdə ölkəmizdə fəaliyyət göstərən beynəlxalq konsorsiumlar tərəfindən hasil olunan neftin Azərbaycan dövlətinə və SOCAR-a məxsus mənfəət payları da daxildir. Ölkə üzrə təbii qaz ixracı isə 6,9% artaraq 23,9 milyard kubmetr⁷ olub. Hesabat dövründə ölkə üzrə təbii qazın istehlakı 13,4 milyard kubmetr⁸ təşkil edib.

2023-cü ildə SOCAR tərəfindən 6,3 milyon ton⁹ neft, 3,5 milyard kubmetr¹⁰ qaz emal edilib. SOCAR-ın Azərbaycandakı müəssisələrində istehsal olunan 2,2 milyon tondan¹¹ çox neft, neft-kimya və qaz-kimya məhsulları xarici bazarlara ixrac edilib.

Qeyd: Mətndə istifadə olunan rəqəmlər oxunaqlılıq məqsədilə yuvarlaqlaşdırılıb. Tam dəqiq rəqəmlər müvafiq olaraq, aşağıdakı istinadlarda göstərilib.