Energetika Nazirliyində AYİB nümayəndə heyəti ilə görüş keçirilib

Energetika Nazirliyində Avropa Yenidənqurma və İnkişaf Bankının Azərbaycandaki daimi nümayəndəliyinin rəhbəri Kamola Mahmudova ilə görüş keçirilib.
Görüşdə Azərbaycan və AYİB arasında əlaqələrin bir çox sahələrdə, o cümlədən enerji sektorunda uğurla inkişaf etdiyi vurğulanıb, elektroenergetika, bərpa olunan enerji və enerji səmərəliliyi istiqamətində qarşıya qoyulmuş hədəflərin reallaşdırılması üzrə gələcək əməkdaşlıq perspektivləri müzakirə edilib. Bankın maliyyə dəstəyi ilə həyata keçirilən layihələrin icra vəziyyəti nəzərdən keçirilib. 
Xatırladaq ki, hazırda Energetika Nazirliyi ilə Avropa Yenidənqurma və İnkişaf Bankı arasında Azərbaycanda bərpa olunan enerji hərraclarının keçirilməsi və kiçik miqyaslı bərpa olunan enerji layihələri üçün lazımi normativ çərçivənin formalaşdırlması istiqamətlərində əməkdaşlıq davam etdirilir.