Cari ilin 8 ayında elektrik enerjisinin istehsalı, idxal və ixracı

Cari  ilin yanvar-avqust aylarında isə respublikada elektrik enerjisinin istehsalı ötən ilin müvafiq dövrü ilə müqayisədə 1109,7 mln. kVt·st artaraq 18612,4 mln kVt·st olub.

8 ay ərzində elektrik enerjisinin ixracı 971,9 mln. kVt·st olmaqla, 2020-ci ilin müvafiq dövrü ilə müqayisədə 142,2 mln. kVt·st artıb. İrana 238,9 mln. kVt·st, Türkiyəyə 164,1 mln. kVt·st, Rusiyaya 63,7 mln. kVt·st, Gürcüstana isə 505,2 mln. kVt·st elektrik enerjisi ixrac edilib.

Bu dövrdə elektrik enerjisinin idxalı 110,6 mln. kVt·st olmaqla, ötən ilin müvafiq dövrünə nisbətən 15,9 mln. kVt·st artıb. İrandan 22,4 mln. kVt·st, Rusiyadan 63,5 mln. kVt·st, Gürcüstandan isə 24,7 mln. kVt·st elektrik enerjisi idxal edilib.