“Azərenerji” ASC-nin əməkdaşları ağacəkmə aksiyasına qoşulub

Payız ağac əkini mövsümü çərçivəsində Ekologiya və Təbii Sərvətlər Nazirliyinin təşkilatçılığı ilə həyata keçirilən növbəti genişmiqyaslı ağacəkmə aksiyasına “Azərenerji” ASC-nin əməkdaşları da qoşulub.

Noyabrın 26-da Bakının Müşfiqabad qəsəbəsində baş tutan aksiyada ETSN-in və “Azərenerji” ASC-nin rəsmiləri iştirak edib və 4 hektar ərazidə Abşeron yarımadasının iqliminə uyğun 3000 ədəd şam, zeytun və şərq çinarı ağacları əkilib.

Ölkə üzrə keçirilən bu cür aksiyaların əsas məqsədi ağac əkilməsini təşviq edərək təbiətin mühafizəsinə, eləcə də sağlam ekoloji mühitin yaradılmasına töhfə verməkdir.